Looking forward to 2017

既然有回望過去 都有展望將來啦

黎繄2017 相信有好多大轉變

第一件事當然係轉工

做左差唔多年半 覺得係呢度學既野都到頂了

同埋對做落既野都無咩興趣想繼續落去

呢度好就好在 早收工 啲task 又唔趕

仲有時可以hea做自己野都無人理

但係放長啲黎睇 對我個人既成長無乜太大既幫助

所以想轉下環境 比多啲刺激自己

無論係工作上既technical skills

又或者對住唔同公司既人既應對等等

第二件事係學多啲野 

充實下個人生 令自己覺得自己有價值

同埋可以見多啲人 理解別人之餘

又增強自己既信念同判斷能力

德文呢件事應該係二月就學完 要抽啲時間去加深知識

都有啲想學日文 但係唔sure 自己可以放到幾多時間

電單車啦 一直都想學 可以用黎代步

急救呢樣都呢一兩日先想 呢個都突發情況會有用 同時都符合我想幫人既性格

有左iPhone 7+ 令到自己多左去攝影

宜家連同事教導之後 終於影"到" 我想要既野 但係始終影唔到我想張相比睇既人既感覺

所以會唔會買一部DC 認真去影呢? 我都未有主意

第三件事 應該係旅行了

呢件事都講左好耐 都有聽得夠多人既說法

但係遲遲都無行動

目的地去邊? 德國? 加拿大? isle of skye? 暫時都未有答案