First quarter of 2017

2017年第一季

話咁快

2017年已經過左三個月啦

我係呢三個月做左咩呢？

又有幾多野係同之前年頭計劃左又做左？

又有幾多野係唔係計劃入面呢？

影相

係一月頭 終於比錢去買第一部DC canon m3

六千蚊 一個package 有機 kit鏡 macro 鏡 一枝癈既腳架 同埋送埋64GB

對於我呢一個攝影新手

係最好既新手組合

然後呢？當然出多左街去影相既

有影下花啦景啦

開始有自己既相既味道

雖然唔算得上影得好好 好有深度 或者 好有話題性

但係作為一個興趣 能夠令自己專注 都係唔錯的

本身仲諗住比完六千蚊就唔再比錢落去

點知又比左忍唔住枝kit 鏡得 45mm 比錢買多左枝副廠

袋同相機帶都plan 住想買 唉啊 已經變左一個深坑啦

學日文

今年決定左學日文

由二月中開始上

比左三千幾蚊落去 學四個月睇下點

宜家學左兩個月 so far 都感覺唔錯  

先生考既野都好實用 

包括講下日本四季會食乜做乜 

同其他人用日文做基本既交流

而上堂唔似得以前上德文咁有佢講無人講

多左好多互動去講同寫

仲有測驗都係逼到自己起碼記到要用既野

黎緊去東京 希望能夠用到出黎

Boxing

聽大同話好chur 實則就唔chur

雖然自己做既時候有啲偷懶

但係每次做都流汗流成半個身都濕曬

好似有返啲成功感

同埋為左填補返做gym 做得唔regular 既位

自己做運動做得唔密 每次做之前都諗一大餐

所以boxing 可以keep 到最minimal 每星期有一次既運動機會

旅行

四月尾去東京 五月頭返 

雖然一開始連去黎為乜做乜都唔知

到宜家起碼知道要去邊 但係好多細節野未諗 

例如衫啦 買手信係幾時啦 係東京點搭車啦

起碼既係 突然自己未去過旅行果個心理位

2017年第二季

4月5月6月

理論上應該會keep 之前講既三樣啦

工作上 雖然係架構上唔同左 但係預期應該同之前咁得閒既

但係係呢三個 想係專注力方面做多少少功夫 

專注多啲同自己有用既事 例如學好啲日文 睇下點整投資／保本既方法

畢竟宜家得一份人工 又唔做freelance 其實啲錢唔係太見洗