自從八月公司大執位之後
八月尾又見返個老相好project
今次要加既功能唔算多
但係考驗既係點係最小改動原來堆垃圾code 上面
加到要有既function
本來預係九月中會交到貨
因為屋企出左事
最少遲到九月尾先交到
同時因為咁令下一個好緊湊schedule 無可避免地delay 左開始⋯
十月同十一月都係每日尾班車放工 十一二點返公司開工 一日兩餐都係同事食
到最尾要上app store 仲係公司激戰三十六小時⋯
以為上左就無事啦
點知又比Apple reject 左兩次
一次係Apple 唔識試(連Apple都唔識試 又試問街外人又點識用?)
二係個App 拎左一啲唔會用既personal information
但係個App 又一定要係十二月頭既event上架
經過唔同人努力之下 終於說服到Apple approve...
比Apple reject > make adjustment > 再上 無端端又無左兩個星期做野
但係本身係呢個兩星期預左比下一個phase 做development
宜家到左phase 2 尾 交左build
但係係唔係每次做project 都係要咁趕？
一啲時間都唔預？
有好多係呢間公間既workflow 出現既問題 technical 一直都係忍氣吞聲食左佢
食一次還可以 但係點解次次都係要technical 食？
點解無人企出黎要改workflow?
一定個個都好忙先叫高生產力？
呢啲問題一直係我個腦好耐。
唔經唔覺
我係呢度已經一年半 相識既同事都一個個離開了
而我由年中開始想離開既心態 到宜家 一直都無改變過
係呢度 有好多好好既同事
但係個流程 個士氣 啲project 麻煩程度 最令人睇唔過眼
我自問我講過建議比管理層 但係我仲未收到我應該有既回覆
同時又未見到佢地做出黎既野既成果
我唔知宜家係成功定失敗 但係我覺得既係 進度好慢 慢到我唔耐煩
係呢度 可能睇多半年 有無機會升上一級
同埋睇下半年之後
technical係project lifecycle 參與度有無多左
唔單之做development
我講緊係傾requirement 已經要參與
唔好傾埋啲無謂／做左等於無做既requirement 到左最後做左啲對個客無value 既事
如果達成唔到
呢間公司對我既value 已經係買少見少了
