上星期五特登請左日假去搞passport 提自己五六日要寫一次blog
宜家到左最尾果日先寫 我既procrastination 從來無好過
anyway 好似上次咁 分開幾方面黎寫
1 工作方面
對上一個post 講既portal 係四月頭上左production 無咩特別
點知去到4/14 果日比個portal generate 出黎既excel 搞左好耐
因為一邊既Excel sum 出黎既數 同 另一邊既statement 既total 數唔夾
去到 4/15 星期五 老闆出左手 同我一齊check 但係都無咩發現
去到 4/18 星期一 始終搞掂 解決方法只不過係係excel 拎走啲rounding 就搞掂
其實當一開始收到個問題既時候 自己無去諗到底個答案要乜 用咩approach 去拎到個答案
只不過係一味逃避個問題 盲目咁係度亂撞 令我諗起以前係舊公司我都有試過咁既情況
面對自己唔清楚既事 唔去尋根究底 而係係外圍亂撞亂試 希望咁樣會做到
但係諗長遠少少 就當今次撞彩得
但係其實入面係點運作 根本一啲都唔知 如果又要再改 咁就hihi 啦
好在今次發生係in house 呢間公司 老闆無咩點迫我 反而係我自己逼自己
黎緊appraisal 要填Form 寫自己有咩goal 認真講都係睇餸食飯 人工加幾多再考慮
一直都驚緊自己習慣左in house 咁輕鬆 一轉返出去習慣唔到
好多時候自己有 "想" 趁啲空閒時間去令自己有啲進步 但係一返到屋企就即刻咩都唔理打機
唉…點做先好 我既procrastination真係咁嚴重?
2 打機方面
都係worlds of warships 連累我 =..="
四月中有個mission 最後reward 係 premium myoko (T7)
但係做呢個mission 最後既stage要用T7 ships 去打3k ribbons
我拖到去4月11 先開始用kiev 同埋myoko 去打
中間仲隔住之前公司單野 好在到左4月22 號就完成 mission!!
之後有另外一堆mission 係要用BB 打500 ribbons 做 500k damages 同埋用main battery 打中100 次
成個mission 唔太難 有兩隻premium kongo 去打 兩日搞掂
kongo 係隻game 入面算係一隻handling 幾好既bb shell grouping 唔錯
又容易citidal 到其他shop (試過 Nagato 都可以citidal )
另外一個repeatable mission 只要destroy 左一隻 bb 就credit x 1.2
再加上兩隻premium kongo 好容易有過100k credit
玩到宜家發現原來唔係exp 唔夠 而係錢唔夠去買upgrade 同mods
打左咁耐tier 7 發現始終 T5 好玩好多
宜家係隻game 無咩目標 我又唔想上T7 可能趁機會比少啲時間落去
3 興趣／技能發展方面
最後報左德文班 係尖沙咀上堂 始終我既目的唔係學個language
而係睇自己學language既能力去到邊 日文班如果要認真就要過千蚊 又要溫書測驗
自問自己無咁大commitment 所以先讀左工聯會既先再睇下點
4 人生歷練方面
4月17 去左玩密室遊戲 我第一次玩 但係我都好投入去玩 我都希望同行既女孩子都係
玩完去飲野 我都無咩出聲 一方面佢地班女仔講既野我無咩睇/聽 好難搭嘴
二黎我想用心聽下女仔係點講野 點表達件事 可能被人覺得係靜既掛?
另外係每時每刻 做一件事都睇下自己既能力去到邊 有咩限制
小事賴野都無咩所謂 但係都要小心行事 唔好比陷阱自己
沒有留言:
張貼留言