琴日一朝早就收到之前Start up 公司既offer
雖然好想一口答應 但係下午約左另一間公司既interview
而且可以後一日先答覆
想睇下情況先再諗
呢一間公司係科學園 一間小型既mobile solution 既公司
呢間公司做既野 行既方向 做project既做法 就係之前間公司想做既效果
咩app 都依 UX 行先 投入好多resource 去探索同fine tune UX
另外分engineering team 就會有齊Frontend backend 鼓勵唔同同事學習
而且佢地每個星期都會cross functional 咁開會同一齊solve 問題
同埋成間公司都好young 好open 甚至每個project 收幾多錢都會話比員工聽
仲有個職級同有咩相關工作都好清楚
呢間公司 基本上 係上一間公司既理想國 我見得到係入面做野既人會做得好舒服
見完呢間公司 人工雖然無傾到 但係係各方面都幾符合我想做一份工既要求
但係可惜係太遲先見 而且已經收到offer 所以都無影響到我既決定
今朝同屋企人去左慈雲山中心
同時間confirm 返個offer 既details
就開始同其他agent close case
搞左半日 同佢地講返已經有左offer 同turn down 佢地跟緊既case
尤其有一啲in house position 個process 時間真係好長
好難說服到我 呢個position 有咩可以值得等
而且除左 offer 本身 都係想係CTO 身上學到野
所以都用左啲比較禮貌啲既方法去同agent 講
搞曬之後 接受個offer 就收拾心情去做新工
沒有留言:
張貼留言